Logo

सोमबार, माघ ३ गते २०७८

मुख्यमन्त्री – प्रधानसेनापति भेट

मुख्यमन्त्री – प्रधानसेनापति भेट

कालीगण्डकी खबर

१३, मंसिर २०७८
  • 496
    SHARES
  • मुख्यमन्त्री – प्रधानसेनापति भेट

    गण्डकी, १३ मङ्सिर । गण्डकी प्रदेशका मुख्यमन्त्री कृष्णचन्द्र नेपाली पोखरेल र प्रधानसेनापति प्रभुराम शर्माका बीच आइतबार भेटवार्ता सम्पन्न भएको छ । मुख्यमन्त्री कार्यालयमै भएको भेटमा मुलुकको शान्ति सुरक्षा र समसामयिक विषयमा कुराकानी भएको जनाइएको छ ।

    images

    सो अवसरमा मुख्यमन्त्री पोखरेलले मुलुकका हितमा नेपाली सेनाले निर्वाह गर्दै आएको भूमिकाको प्रशंसा गर्दै आगामी दिनमा समेत यसले निरन्तरता पाउने विश्वास व्यक्त गर्नुभयो ।

    कोरोनाकाल, प्राकृतिक विपत्तिका समय नेपाली सेना अग्रपङ्क्तिमा खटिएको जनाउँदै उहाँले सीमित स्रोत र साधनका बीच सेनाले नागरिकका सेवामा खटिएको  स्मरण गर्नुभएको मुख्यमन्त्री कार्यालयले जनाएको छ ।  

    सो अवसरमा प्रधानसेनापति शर्माले सेना राष्ट्रहित , विकास निर्माणका साथै मुलुकलाई चाहिएका खण्डमा हरदम सेवामा तत्पर रहेको बताउनुभयो ।

    उहाँले आफूले जिम्मेवारी लिएपछि सबै प्रदेशको वस्तुस्थिति बुझ्नका लागि भ्रमण थालेको जानकारी दिनुभयो ।  विपत्तिका समयमा सहरमा खाली स्थान चाहिने भएकाले अहिलेको विमानस्थलको जमिन बचाइराख्नुपर्ने उहाँको सुझाव छ । आइतबार मनाङ हुँदै पोखरा आउनुभएका उहाँले प्रदेश प्रमुख पृथ्वीमान गुरुङसँग पनि भेट गर्नुभएको थियो ।

    उक्त अवसरमा गण्डकी प्रदेशका प्रमुख सचिव रविलाल पन्थले प्रदेश सरकार र सुरक्षा निकायबीचको सम्बन्धका बारेमा जानकारी गराउनुभयो । भेटमा बिना विभागीयमन्त्री डोबाटे विक, प्रदेशसभा सदस्य प्रकाशचन्द्र दवाडी, नेपाली सेना पश्चिम कमान्ड प्रमुख उपरथी बाबुराम श्रेष्ठलगायतको उपस्थिति थियो । 

    प्रकाशित मिति :मंसिर १३, २०७८ सोमबार - ०८:३०:४६ बजे

    सूचना: kaligandakikhabar.com मा प्रकाशित सामग्रीहरु हुबहु वा तोडमोड गरी प्रकाशित गरेको अवस्थामा प्रतिलिपि अधिकार ऐन २०५९ आकर्षित हुनेछ । अनाधिकृत तवरले प्रकाशन गरेको भेटिएमा कानूनी कारवाहीको प्रक्रिया थालिनेछ ।

    कालीगण्डकी खबर

    Copyright © All right reserved to kaligandaki Khabar Site By: SobizTrend Technology