Logo

बुधबार, जेठ ११ गते २०७९

केही त बोल सरकार

केही त बोल सरकार

तेजविलास

१, माघ २०७८
  • 988
    SHARES
  • केही त बोल सरकार

    हामीले हाम्रै भनेर
    नक्सा छापी सक्यौं 
    हामीले  हाम्रै भनेर
    पुस्तकमा पाठ राखी सक्यौँ
    हाम्रो हो वा होइन ?
    परीक्षण काल सकिएको पनि त
    यतिका महिना भए
    हो वा होइन ?
    के के भए बीचमा प्रगति 
    सबै सबै जान्न र बुझ्न 
    सूचनाको हक अनुसार नै
    भनिरहेछौं हामी 
    ए! सरकार ।
    हाम्रो सरकार ?
    नेपाल सरकार !!
    सुतेको हो कि !
    जागै छ सरकार
    सडक विस्तार 
    उसले पो गर्दैछ त
    हामी र हाम्रो ध्यान !
    खै ! कता छ सरकार
    नुनले  मलिनो भएको हो कि 
    गुनले आनन्दित भएको ?
     ठप्प छ संसद किन ?
    विषय राष्ट्रियताको छ 
    आफ्नो भूगोल हो 
    किन मौन छ सरकार ।
    युवा नेताहरूको पनि च्या..चु छैन त 
    अधिवेशन । महाधिवेशनमा
    युवाहरूले बनाउने हो देश 
    के हो बनाउने भनेको ?
    कहाँ हो बनाउने भनेको ?
    प्रिय युवा नेतृत्व !
    भाग खोज्ने मुख खोलन
    केही त बोलन
    देश के हो ?
    हाम्रो स्वाधीनता
    हाम्रो सार्वभौमसत्ता 
    हामी देशवासी सोधिरहेर्छौं 
    किन मौन ?
    मात्र यति हो हाम्रो प्रश्न
    अर्कोलाई गाली गर्नुभन्दा
    हामीलाई जवाफ देऊ सरकार ।
    तिमी नेपाल सरकार 
    जनताको सरकार हौ भने
    कुम्भकर्ण नसुत
    होइन भने नक्कली नक्सा पास 
    लगाएको हो भने लालमोहर
    जवाफ चाहियो सरकार !
    लिपुलेकको सडक 
    चौडा सडक 
    फेरि सोध्छौ
    समाचार आएको सत्य हो भने
    चाहियो जवाफ ।
    अविलम्ब जनतालाई चाहियो जवाफ   
    सांसद भत्तामै रमाउन
    समितिहरू रमिता हेर्न
    बनेको होइन भने
    अनि
     टिकाउन सरकार 
    गरेका छैनौ भने सहमति
    बोल !
    मुख छ भने बोल
    बोल्ने बेला यही हो
    कसले मिच्दैछ सिमाना ?
    जारी गर प्रेस नोट 
    के गर्दैछन् राजदूत ?
    किन चुप छौ तिमी ?
    कि सरकार नै होइनौ ?
    मात्र उसैको कठपुतली !

    images
    images

    प्रकाशित मिति :माघ १, २०७८ शनिबार - १०:०५:३७ बजे

    सूचना: kaligandakikhabar.com मा प्रकाशित सामग्रीहरु हुबहु वा तोडमोड गरी प्रकाशित गरेको अवस्थामा प्रतिलिपि अधिकार ऐन २०५९ आकर्षित हुनेछ । अनाधिकृत तवरले प्रकाशन गरेको भेटिएमा कानूनी कारवाहीको प्रक्रिया थालिनेछ ।

    तेजविलास

    Copyright © All right reserved to kaligandaki Khabar Site By: SobizTrend Technology