Logo

बुधबार, जेठ ११ गते २०७९

नारायणप्रसाद स्मृति बास्केटबल बुधबारदेखि

नारायणप्रसाद स्मृति बास्केटबल बुधबारदेखि

कालीगण्डकी खबर

२०, वैशाख २०७९
  • 331
    SHARES
  • नारायणप्रसाद स्मृति बास्केटबल बुधबारदेखि

    काठमाडौँ, २० वैशाख । क्वेस्ट इन्टरनेसनल कलेजले आफ्ना संस्थापक निर्देशक नारायणप्रसाद श्रेष्ठको स्मृतिमा पाँचौँ ‘नारायणप्रसाद स्मृति अन्तरकलेज बास्केटबल प्रतियोगिता’ बुधवारदेखि सञ्चालन गर्ने भएको छ ।

    images
    images

    प्रतियोगितामा पुरुषतर्फ नौ र महिलामा पाँच टोलीको सहभागिता रहने क्वेस्टका निर्देशक कोलिनकिरण श्रेष्ठले आज यहाँ आयोजित पत्रकार सम्मेलनमा जानकारी दिनुभयो । 

    पुरुष सहभागीलाई दुई समूहमा विभाजन गरी लिग कम नकआउट आधारमा खेल खेलाइने छ । 

    समूह ‘ए’मा क्वेस्ट, शुभश्री, मल्पी र गोल्डेनगेट तथा समूह ‘बी’मा केसीएम, सायम (एसएआईएम), जेभियर इन्टरनेसनल र नाथम (एनएटीएचएम) र किस्ट छन् । महिला स्पर्धा राउन्ड रोविन लिगका आधारमा हुने छ । 

    राउन्ड रोविनमा शीर्ष दुई स्थानमा रहने टोली फाइनलमा प्रवेश गर्ने छन् । महिलातर्फ क्वेस्ट, मल्पी, शुभश्री, नाथम र सायमको सहभागिता रहने छ ।

    पुरुष विधाको विजेताले रु ५० हजार र उपविजेताले रु ३० हजार तथा महिलातर्फ पहिलो हुनेले रु ३० हजार र दोश्रोले रु २० हजार पुरस्कार प्राप्त गर्ने छन् । 

    प्रतियोगिता सञ्चालन गर्न करिब रु पाँच लाख खर्च हुने क्वेस्टका निर्देशक आदर्श जोशीले जानकारी दिनुभयो । 

    यही वैशाख २६ गतेसम्म चल्ने प्रतियोगिताका सबै खेल ग्वार्कोस्थित आयोजककै कोर्टमा खेलाइने छ । 

    प्रकाशित मिति :वैशाख २०, २०७९ मंगलबार - १९:२२:३२ बजे

    सूचना: kaligandakikhabar.com मा प्रकाशित सामग्रीहरु हुबहु वा तोडमोड गरी प्रकाशित गरेको अवस्थामा प्रतिलिपि अधिकार ऐन २०५९ आकर्षित हुनेछ । अनाधिकृत तवरले प्रकाशन गरेको भेटिएमा कानूनी कारवाहीको प्रक्रिया थालिनेछ ।

    कालीगण्डकी खबर

    Copyright © All right reserved to kaligandaki Khabar Site By: SobizTrend Technology