Logo

बुधबार, जेठ ११ गते २०७९

१९ अर्ब रुपैयाँ बैंकबाट बाहिरियो, १३ अर्ब रुपैयाँ अझै बाहिर

१९ अर्ब रुपैयाँ बैंकबाट बाहिरियो, १३ अर्ब रुपैयाँ अझै बाहिर

पत्रपत्रिकाबाट

२७, वैशाख २०७९
  • 298
    SHARES
  • १९ अर्ब रुपैयाँ बैंकबाट बाहिरियो, १३ अर्ब रुपैयाँ अझै बाहिर

    काठमाडौं, २७ वैशाख । एक महिनामा १९ अर्ब रुपैयाँ बैंकबाट बाहिरिएकोमा ६ अर्ब रुपैयाँ बैंकिङ प्रणालीमा भित्रिएको छ । बैंकिङ प्रणालीबाट बाहिरिएको १३ अर्ब रुपैयाँ अझै बैंकिङ प्रणालीमा भित्रिएको छैन । 

    images
    images

    चुनावको तयारी थालिएसँगै १ महिनाअघि ५६ अर्ब रुपैयाँ बैंकिङ प्रणालीमा ह्वात्तै भित्रिएको थियो । चुनावका लागि बैंकिङ प्रणालीबाट बाहिरिएको १९ अर्बमध्ये १३ अर्ब चुनावलगत्तै फेरि बैंकमा नै फर्किने अपेक्षा गरिएको छ । यो समाचार आजको राजधानी दैनिकमा पूर्णभक्त दुवालले लेख्नुभएको थियो । 

    निर्वाचन नजिकिँदै थालेसँगै बैंकिङ प्रणालीबाट बाहिरिएको निक्षेप विस्तारै अहिले बढ्न थालेको छ । विगतमा निक्षेप संकलनमा समस्या हुँदै आएकोमा गत साता भने बैंकिङ प्रणालीको निक्षेपमा राम्रो सुधार भएको छ । नेपाल बैंकर्स एसोसिएसनका अनुसार निक्षेपमा सुधार र कर्जा लगानीमा संकुचन हुँदा बैंकको सीडी रेसियोमा पनि सुधार भएको छ ।

    बैंकर्स एसोसिएसनका अनुसार पछिल्लो एक सातामा निक्षेप ५ अर्बले वृद्धि भएको छ भने कर्जा लगानी ४ अर्ब रुपैयाँले घटेको छ । वैशाख १६ गते ४३ खर्ब ६८ अर्ब रहेको वाणिज्य बैंकहरूको निक्षेप वैशाख २३ गते ४३ खर्ब ७३ अर्ब पुगेको छ ।

    यसैगरी वैशाख १६ गते ४१ खर्ब ९७ अर्ब रहेको कर्जा लगानी २३ गते ४१ खर्ब ९३ अर्ब रुपैयाँमा सीमित भएको छ ।

    गत चैतको अन्तिम सातादेखि निरन्तर रूपमा घट्न थाले निक्षेप चुनाव नजिकिएसँगै वाणिज्य बैंकहरूमा निक्षेप आउन थालेको हो । चैत मसान्तमा ४३ खर्ब ८९ अर्ब रहेको निक्षेप वैशाखको पहिलो सातामा ४३ खर्ब ७७ अर्बमा सीमित भएको थियो । दोस्रो साता ४३ खर्ब ६७ अर्बमा समिति भएकोमा तेस्रो सातामा आएर ४३ खर्ब ६८ अर्ब भएको थियो । वैशाखको चौंथो सातामा भने ४३ खर्ब ७३ अर्ब थपेको छ ।

    नेपाल बैंकर्स संघका अनुसार वैशाखको चौंथो सातामा ६ अर्ब रुपैयाँ नेपाली मुद्रामा बचत भएको छ । विदेशी मुद्रामा बचत तेस्रो साता र चौंथो सातामा समान नै रह्यो । वैशाखको दोस्रो साता विदेशी मुद्रामा २ अर्ब निक्षेप संकलन भएको थियो ।

    कर्जातर्फ भने चैतको अन्तिम साता ४१ खर्ब ९७ अर्ब रहेकोमा वैशाखको पहिलो साता ४१ खर्ब ९५ अर्ब भएको थियो । दोस्रो सातामा ४१ खर्ब ९४ अर्ब रहेकोमा तेस्रो सातामा ४१ खर्ब ९७ अर्ब कर्जा प्रवाह भएको थियो । गत साता ४ अर्ब रुपैयाँ मात्र कर्जा थप प्रवाह भएको थियो ।

    नेपाल बैंकर्स एसोसिएसनका अनुसार चैतको अन्तिम साता नेपाली मुद्रामा निक्षेप ४२ खर्ब ७७ अर्ब रुपैयाँ पुगेकोमा सो निक्षेप परिपूर्ति हुन अझै १३ अर्ब संकलन हुनुपर्नेहुन्छ ।

    प्रकाशित मिति :वैशाख २७, २०७९ मंगलबार - ०७:५४:०४ बजे

    सूचना: kaligandakikhabar.com मा प्रकाशित सामग्रीहरु हुबहु वा तोडमोड गरी प्रकाशित गरेको अवस्थामा प्रतिलिपि अधिकार ऐन २०५९ आकर्षित हुनेछ । अनाधिकृत तवरले प्रकाशन गरेको भेटिएमा कानूनी कारवाहीको प्रक्रिया थालिनेछ ।

    पत्रपत्रिकाबाट

    Copyright © All right reserved to kaligandaki Khabar Site By: SobizTrend Technology