Logo

बुधबार, जेठ ११ गते २०७९

थप २१ मा कोरोना सङ्क्रमण पुष्टि

थप २१ मा कोरोना सङ्क्रमण पुष्टि

कालीगण्डकी खबर

२८, वैशाख २०७९
  • 289
    SHARES
  • थप २१ मा कोरोना सङ्क्रमण पुष्टि
    फाइल फोटो

    काठमाडौँ, २८ वैशाख । देशभर पछिल्लो २४ घण्टामा थप २१ जनामा कोरोना सङ्क्रमण पुष्टि भएको छ । पछिल्लो २४ घण्टामा तीन हजार ७८८ को नमूना परीक्षण गरिएको थियो । तीन हजार ७० ले पिसिआर र ७१८ जनाको एन्टीजेन विधिबाट परीक्षण गरिएको स्वास्थ्य तथा जनसङ्ख्या मन्त्रालयले जनाएको छ ।  

    images
    images

    गत २४ घण्टामा १६ जना कोरोना भाइरसबाट सङ्क्रमणमुक्त भएका छन् । यससँगै सङ्क्रमण मुक्त हुनेको सङ्ख्या नौ लाख ६६ हजार ८३९ पुगेको छ । निको हुने दर ९८ दशमलव आठ प्रतिशत रहेको मन्त्रालयले जनाएको छ । 

    कोभिडविरुद्धको खोप लगाउनेको सङ्ख्या पछिल्लो २४ घण्टामा ११ हजार पाँच रहेको छ । हाल सक्रिय सङ्क्रमितको सङ्ख्या १८७ रहेको छ । अहिलेसम्म कोरोनाबाट मृत्यु हुनेको सङ्ख्या ११ हजार ९५२ पुगेको छ । होम आइसोलेसनमा १८६ र संस्थागत आइसोलेसन एक जना सङ्क्रमित रहेका छन् । 

    हाल देशभरमा २०० भन्दा बढी सक्रिय सङ्क्रमित भएका जिल्ला कुनै पनि छैनन् । शून्य सङ्क्रमित रहेका जिल्लामा ओखलढुङ्गा, खोटाङ, सोलुखुम्बु, पाँचथर, सङ्खुवासभा, पर्सा, सप्तरी, रौतहट, दोलखा, मनाङ, मुस्ताङ, रुकुम पूर्व, कपिलवस्तु, जाजरकोट, जुम्ला, डोल्पा, हुम्ला, रुकुम पश्चिम, कालीकोट, मुगु, बाजुरा, दार्चुला, बझाङ र डढेलधुरा रहेका छन् । 

    उपत्यकाका तीन जिल्लामध्ये हाल काठमाडौँमा ४७, ललितपुरमा नौ र भक्तपुरमा तीन सक्रिय सङक्रमित रहेको मन्त्रालयले जनाएको छ ।  

    प्रकाशित मिति :वैशाख २८, २०७९ बुधबार - २०:४६:०६ बजे

    सूचना: kaligandakikhabar.com मा प्रकाशित सामग्रीहरु हुबहु वा तोडमोड गरी प्रकाशित गरेको अवस्थामा प्रतिलिपि अधिकार ऐन २०५९ आकर्षित हुनेछ । अनाधिकृत तवरले प्रकाशन गरेको भेटिएमा कानूनी कारवाहीको प्रक्रिया थालिनेछ ।

    कालीगण्डकी खबर

    Copyright © All right reserved to kaligandaki Khabar Site By: SobizTrend Technology