Logo

बिहीबार , साउन २६ गते २०७९

प्रदेश सरकारले विभिन्न व्यक्ति तथा संस्थालाई पदक प्रदान गर्ने

प्रदेश सरकारले विभिन्न व्यक्ति तथा संस्थालाई पदक प्रदान गर्ने

कालीगण्डकी खबर

२८, असार २०७९
  • 337
    SHARES
  • प्रदेश सरकारले विभिन्न व्यक्ति तथा संस्थालाई पदक प्रदान गर्ने

    बागमती, २८ असार । बागमती प्रदेश सरकारले प्रदेशस्तरमा विशिष्ठ योगदान पु¥याउने विभिन्न व्यक्ति तथा संस्थालाई सम्मानस्वरुप पदक वितरण गर्ने भएको छ । विभिन्न २२ विधामा पदक वितरण गर्न लागेको प्रादेशिक आन्तरिक मामिला तथा कानुन मन्त्रालयका प्रशासन तथा योजना शाखाका अधिकृत पेशलकुमार पोखरेलले जानकारी दिनुभयो ।

    images
    images

     उहाँका अनुसार यही असार ३० गते मुख्यमन्त्री तथा मन्त्रिपरिषद्को कार्यालयमा  प्रदेश प्रमुख यादवचन्द्र शर्माले पदक वितरण गर्नुहुने छ । गणतन्त्र दिवसका अवसरमा निर्णय भएअनुसार उहाँहरुलाई सम्मान गर्न लागिएको अधिकृत पोखरेलले बताउनुभयो । उहाँका अनुसार सुरक्षातर्फ ‘शान्तिमाला’ पदक नेपाल प्रहरीका तीनजनालाई, ‘प्रदेश रक्षक’ पदक सशस्त्र प्रहरी बलका एकजनालाई, ‘शान्तिदीप’ पदक नेपाली सेनाका एकजनालाई, शिक्षातर्फ ‘प्रदेश दीप’ पदक चारजनालाई, स्वास्थ्यतर्फ ‘मृत्युञ्जय’ पदक दुईजनालाई, खेलकूदतर्फ ‘प्रदेश शान’ पदक दुईजनालाई प्रदान गरिने छ ।

     त्यस्तै कृषितर्फ ‘कृषि किरण’ पदक दुई कृषि फर्मलाई, सहकारीतर्फ ‘सहकारी प्रवद्र्धन’ पदक दुई सहकारीलाई प्रदान गरिने भएको छ । प्रदेश सरकारले उद्योगतर्फ ‘उद्यमशीलता’ पदक तीनजनालाई, पर्यटनतर्फ ‘प्रदेश द्रष्टा’ पदक एकजनालाई, वातावरणतर्फ ‘वातावरण संरक्षण’ पदक एकजनालाई, पूर्वाधार विकासतर्फ ‘विकास सेवी’ पदक एकजनालाई, सूचना तथा सञ्चारतर्फ ‘प्रदेश दूत’ पदक तीनजनालाई, विज्ञानतर्फ ‘अन्वेषण’ पदक एकजनालाई, प्रविधितर्फ ‘नव प्रवर्तन’ पदक दुईजनालाई, भाषातर्फ ‘सुभाषिक’ पदक एकजनालाई, कलातर्फ ‘कलाकीर्ति’ पदक तीनजनालाई, संस्कृतितर्फ ‘संस्कृतिदीप’ पदक  एकजनालाई , साहित्यतर्फ ‘प्रदेश द्रष्टा’ पदक एकजनालाई, सार्वजनिक प्रशासन तथा सुशासनतर्फ ‘जनसेवा’ पदक एकजनालाई, विपद् व्यवस्थापनतर्फ ‘विपदसेवी’ पदक दुई नगरपालिकालाई र समाज सेवा तथा लोककल्याणतर्फ ‘प्रदेश परोपकार’ पदक छजनालाई प्रदान गर्न लागिएको  उक्त मन्त्रालयले जनाएको छ ।

    मन्त्रालयले पदक ग्रहण गर्न आउँदा औपचारिक पोशाक दौरा सुरुवाल तथा आफ्नो पहिचान झल्कने वेषभूषामा उपस्थित हुन आग्रह गरेको छ ।

    प्रकाशित मिति :असार २८, २०७९ मंगलबार - १२:१२:४७ बजे

    सूचना: kaligandakikhabar.com मा प्रकाशित सामग्रीहरु हुबहु वा तोडमोड गरी प्रकाशित गरेको अवस्थामा प्रतिलिपि अधिकार ऐन २०५९ आकर्षित हुनेछ । अनाधिकृत तवरले प्रकाशन गरेको भेटिएमा कानूनी कारवाहीको प्रक्रिया थालिनेछ ।

    कालीगण्डकी खबर

    Copyright © All right reserved to kaligandaki Khabar Site By: SobizTrend Technology