अमेरिकाको नर्थ क्यारोलाइनामा बस्ताकोटीको विसंगत बस्ती बिमोचन

कालीगण्डकी खबर

९, साउन २०७९

373

अमेरिकाको नर्थ क्यारोलाइनामा बस्ताकोटीको विसंगत बस्ती बिमोचन

काठमाडौँ, ९ साउन । संयुक्त राज्य अमेरिकाको नर्थ क्यारोलाइनास्थित केरी शहरमा भानु जयन्तीको अवसर पारेर डा ऋषि बस्ताकोटीद्वारा लिखित मुक्तक संग्रह 'विसंगत बस्ती' को बिमोचन गरिएको छ।

नर्थ क्यारोलाइना नेपाली साहित्य समाजका सल्लाहकारहरु ई इश्वर देवकोटा, डा नारायण राजभण्डारी, नगेन्द्र नेउपाने, नर्थ क्यारोलाइना नेपाली साहित्य समाजका अध्यक्ष नम्रता गुरागाई, नेपाल सेन्टर अफ नर्थ क्यारोलाइनाका अध्यक्ष आर पी पौडेल र मुक्तककार बस्ताकोटीले सामुहिक रुपमा पुस्तकको बिमोचन गर्नुभएको हो।

कार्यक्रममा ई इश्वर देवकोटाले मुक्तककारको परिचय प्रस्तुत गर्दै बस्ताकोटीको साहित्यिक तथा सामाजिक योगदानको चर्चा गर्नुभएको थियो भने साहित्यकार नम्रता गुरागाईंले विमोचित पुस्तकको समिक्षा गर्नुभएको थियो।

डा अच्युत शर्मा र कल्पना घिमिरेले मुक्तककारलाई शुभकामना व्यक्त गर्दै संग्रहभित्रबाट छानिएका मुक्तकहरु बाचन गर्नुभएको थियो। डा ऋषि बस्ताकोटी को दोस्रो साहित्यिक कृति विसंगत बस्ती बि एन पुस्तक संसारले हालसालै बजारमा ल्याएको हो।

प्रकाशित मिति :साउन ९, २०७९ सोमबार - ०८:०५:०६ बजे

सूचना: kaligandakikhabar.com मा प्रकाशित सामग्रीहरु हुबहु वा तोडमोड गरी प्रकाशित गरेको अवस्थामा प्रतिलिपि अधिकार ऐन २०५९ आकर्षित हुनेछ । अनाधिकृत तवरले प्रकाशन गरेको भेटिएमा कानूनी कारवाहीको प्रक्रिया थालिनेछ ।