Logo

बिहीबार , साउन २६ गते २०७९

मौन बस

मौन बस

कालीगण्डकी खबर

११, साउन २०७९
  • 541
    SHARES
  • मौन बस

    खास ठाउँमा पुगेपछि 
    केही गर्नु पर्दैन
    इज्जत जोगाउनै पर्छ
    मौन बस
    मोल मोलाई गर्ने अर्कै छ
    अपजस पनि व्यहोर्नु नपर्ने
    कस्तो मज्जा !
    हस्ताक्षर गर हाजिर पुस्तिकामा
    रमिता हेर
    वा
    चुपचाप लागे झै गर
    जप
    खुब जप
    राष्ट्रियताको नारा
     घोक जनजीविकाको विषय 
    गर घोषणापत्रको व्याख्या धितमारेर
    सम्झन छोडिदेऊ अब
    चुनावी बाचा  ।

    images
    images

    छलफल गर्ने ठाउँमा
    मौन बस
    बोल्न नपर्ने ठाउँमा
    बोल बेसरी विरोधमा बोल
    किन चाहियो संसद।
    चाहियो किन उपसमिति
    किन आवश्यक छ्लफल
    समिति संयोजक भत्ता 
    यीसबै त अरूलाई भुल्याउने कुरा हो
    त्यसैले त
    भएको कुराको उल्टो गर
    सजिलै देऊ निस्सा
    मूल घरमा बसेकाहरूले
    कानेखुशी गर
    पटकपटक भेट मालिकलाई 
    राष्ट्रिय  पोशाक लगाएरै
    भेट गोप्य सङ्गठनको प्रमुख
    पटक पटक धाउ यताउता
    नबोल्ने भनेको बेलामा बोल
    बोल्न पर्ने बेलामा बस
    मौन बस
    नीति बनाउन गएकाहरू
    विधिमा नबस
    सजिलो हुन्छ पटक पटक
    अर्कोलाई गाली गर्न
    धारे हात लगाएर भाषण गर्न
    त्यसैले बस
     यो बेला
    मौन बस
    मौन ब्रत लिए झै
    कता कता मलाई लागेको छ
    यो बेला
    मौन बस्ने बेला हो
    त्यसैले त
    मौन बस 
    प्रत्येक सम्वेदनशील मुद्दामा 
    प्रत्येक जनजीविकाको सवालमा
    यो मौन बस्ने बेला हो।

    प्रकाशित मिति :साउन ११, २०७९ बुधबार - १०:०४:५३ बजे

    सूचना: kaligandakikhabar.com मा प्रकाशित सामग्रीहरु हुबहु वा तोडमोड गरी प्रकाशित गरेको अवस्थामा प्रतिलिपि अधिकार ऐन २०५९ आकर्षित हुनेछ । अनाधिकृत तवरले प्रकाशन गरेको भेटिएमा कानूनी कारवाहीको प्रक्रिया थालिनेछ ।

    कालीगण्डकी खबर

    Copyright © All right reserved to kaligandaki Khabar Site By: SobizTrend Technology