Logo

शनिबार, असोज २२ गते २०७९

images

तानसेन नगरवासीलाई विद्युत् महसुल छुट

तानसेन नगरवासीलाई विद्युत् महसुल छुट

कालीगण्डकी खबर

५, असोज २०७९
  • 343
    SHARES
  • तानसेन नगरवासीलाई विद्युत् महसुल छुट

    पाल्पा, ५ असोज । तानसेन नगरपालिका भित्रका नागरिकलाई विद्युत् महसुलमा छुट हुने भएको छ । पाँच एम्पियरको मिटर जडान गरी २० युनिटसम्म विद्युत् खपत गर्ने घरधुरीलाई महसुल छुट हुने भएको हो ।

    images
    images
    images
    images
    images
    images

    तानसेन नगरपालिकाले नेपाल विद्युत् प्राधिकरण पाल्पा वितरण केन्द्रसँग सम्झौता गर्दै महिनामा २० युनिटसम्मको विद्युत् खपत गर्ने एक हजार आठ सय १५ घरधुरीको विद्युत् महसुल छुट गर्ने सम्झौता गरेको उपप्रमुख प्रतीक्षा सिञ्जालीले जानकारी दिनुभयो । 

    विद्युत् महसुल छुट कार्यविधि २०७९ अनुसार आर्थिक रुपले कमजोर रहेका घरधुरीहरुको पारिवारिक लगत सङ्कलन गरी महसुल छुट दिने व्यवस्था मिलाइएको हो ।

    यसअन्तर्गत प्रतिपरिवार एक वर्षको रु तीन सय ६० को दरले विद्युत् महसुल विद्युत् प्राधिकरणलाई अग्रिम भुक्तानी गर्ने सम्झौता गरिएको पाल्पा वितरण केन्द्रका प्रमुख इन्जिनियर विवेक अधिकारीले बताउनुभयो । 

    यहाँका विपन्न परिवारलाई लक्षित गरी ११औँ नगरसभाबाट महसुल छुट गर्ने निर्णय गरिएको तानसेन नगरपालिकाका प्रमुख सन्तोषलाल श्रेष्ठले जानकारी दिनुभयो ।

    तानसेन नगरपालिकाले लिफ्ट खानेपानी आयोजनामा विद्युत् महसुलको २५ प्रतिशत छुटको समेत व्यवस्था गरेको छ । पाल्पामा २० युनिटभन्दा थोरै विद्युत् खपत गर्ने परिवारहरु २५ हजार रहेका छन् ।

    images
    images
    images
    images
    images
    images
    images
    images
    images
    images
    images
    प्रकाशित मिति :असोज ५, २०७९ बुधबार - २१:२३:२० बजे

    सूचना: kaligandakikhabar.com मा प्रकाशित सामग्रीहरु हुबहु वा तोडमोड गरी प्रकाशित गरेको अवस्थामा प्रतिलिपि अधिकार ऐन २०५९ आकर्षित हुनेछ । अनाधिकृत तवरले प्रकाशन गरेको भेटिएमा कानूनी कारवाहीको प्रक्रिया थालिनेछ ।

    कालीगण्डकी खबर

    Copyright © All right reserved to kaligandaki Khabar Site By: SobizTrend Technology